Ta je travarica bila bajna. Kraljica rakijskih nauka – stvorila ju je ruka Milana Delivuka. Donesal je Milan još i kruha i luka. A pride kobasica fina, mesna – postalo mi je vruče i majica mi je postala pretesna.
Žena me zove na telefona, pita di sam – čujem po glasu da je pak besna. „Ja sam ti ljubavi brzo doma, samo da poslikam jednu lipu“. Ona veli nek prestanem mleti i nek zaprem pipu. Ni verovala da sam još jutros prešal slikati i meriti na Žumberak nekakvu lipu.
Ma da je bar to drvo vidla i ona ne bi brzo išla domom. Ako vas ko pita, di je ta lipa, nasred Šobatovića raste ponosita. Slikal sam je celu, od korena do vrha krošnje. Milan si je oblekal se kaj je imal od narodne nošnje.
Merili smo je korakima: dvadeset muških.
Onda smo razvlekli metar pa išli okolo. Od rakije smo zaigrali i kolo. Onda smo zaključili da na Žumberku ima, fala Bogu, puno lipa, al da je ova največa. Rekli bi Dalmatinci: „Lipa si lipa, anđeli ti sliče“. Fala bogu, al tu ni kraj priče.
Samo da ne naiđe neki motorista i od nje napravi drva metara bar trista. Jer ova je lipa dva put veča od one najpoznatije di su okrunili Matiju Gupca..
Il smo mi krivo merili, možda smo se rakiji kaj zamerili. Milan metar drži, podnevno sunce fejst prži. Jedan pije, drugi toči. „Toči, Mile, toči“, govorile moje su oči. Ni zmeriti takvu lipu posal lak. Da je to tak, merit bi je mogal saki bedak. Zadnje čega se sečam, dok sam još videl metar, bil je broj 9.
Bilo kak bilo, morti smo koji centimetar zmerili krivo, al to mi je v glavu došlo tek kad sam pal popoldan u krevet. Sečam se da smo zmerili tek opseg tog dreva.
Od radosti Milan još sad popeva: „Haj , haj haj, divan je Žumberak kraj“. Vojvoda Milan je rekal da ova pod kojom stojimo nema više od 400 ljeta. Samo da poživi, ovdi nasred sela fakat nikog ne smeta. Posle je htel da merimo i visinu, al rekal sam da nis zel drona.
On je pak pod utjecajem travarice rekal da bu on to zmeril u dva-tri skoka. Pak on je direktni potomak slavnih uskoka. Al ipak nismo merili u nebo. Ležali smo samo pod krošnjom i blejali u vis. Da sam bil trezan, priznajem, baš i nis. To sam znal i bez da mi je ko zel z nosa bris.
Ja bum taj dan kad smo merili lipu pamtil do smrti. I to da dva dana nis mogal ravno hoditi po crti. Vidim da lipa samo kaj ni počela cvasti. Sve je isto kak je bilo i lani.
Samo da s tom koronom prestanu. Onda bumo lipu i krstili. Najbolje travaricom. I neku tablu tu blizu treba deti, nek svi znaju kaj prolaze. Sejedno – zimi ili leti. Ja se dobrovoljno javljam da bum kum. Samo nek mi daju da si naberem lipinog lišča da si zimi skuham čaj, ak me prime, nedaj Bože, neki očaj.
I grančicu lipe bum zataknul na Čudomerščaku za tram kak sječanje na ovaj dan.
Tekst i fotografije: Romeo Ibrišević
